ਹਿਮਾਲਿਆ ਦੀਆਂ ਉੱਚੀਆਂ ਚੋਟੀਆਂ ਵਿਚ ਵੱਸਿਆ ਇਹ ਪਵਿੱਤਰ ਸਥਾਨ ਲਗਭਗ 4,632 ਮੀਟਰ ਦੀ ਉਚਾਈ ‘ਤੇ ਸਥਿਤ ਹੈ। ਇੱਥੇ ਸਫੈਦ ਬਰਫ਼ ਦੀ ਚਾਦਰ, ਸ਼ਾਂਤ ਝੀਲ (ਹੇਮਕੁੰਟ ਸਰੋਵਰ) ਅਤੇ ਗੁਰਦੁਆਰੇ ਦੀ ਪਵਿੱਤਰਤਾ ਮਿਲ ਕੇ ਇੱਕ ਅਲੌਕਿਕ ਮਾਹੌਲ ਬਣਾਉਂਦੇ ਹਨ। ਸਰਦੀਆਂ ਵਿੱਚ ਇਹ ਸਥਾਨ ਪੂਰੀ ਤਰ੍ਹਾਂ ਬਰਫ਼ ਨਾਲ ਢੱਕ ਜਾਂਦਾ ਹੈ ਅਤੇ ਯਾਤਰਾ ਬੰਦ ਰਹਿੰਦੀ ਹੈ, ਪਰ ਗਰਮੀਆਂ ਵਿੱਚ ਜਦੋਂ ਦਰਸ਼ਨ ਖੁਲ੍ਹਦੇ ਹਨ, ਤਾਂ ਸੰਗਤ ਵੱਡੀ ਗਿਣਤੀ ਵਿੱਚ ਇੱਥੇ ਪਹੁੰਚਦੀ ਹੈ। ਇਹ ਥਾਂ ਸਿਰਫ਼ ਪ੍ਰਕਿਰਤੀ ਦੀ ਖੂਬਸੂਰਤੀ ਹੀ ਨਹੀਂ, ਸਿੱਖ ਧਰਮ ਵਿੱਚ ਡੂੰਘੀ ਆਧਿਆਤਮਿਕ ਮਹੱਤਤਾ ਵੀ ਰੱਖਦੀ ਹੈ, ਕਿਉਂਕਿ ਇਸ ਨੂੰ ਗੁਰੂ ਗੋਬਿੰਦ ਸਿੰਘ ਜੀ ਨਾਲ ਜੋੜਿਆ ਜਾਂਦਾ ਹੈ
